Аляксандр Лукашэнка выказаў шэраг крытычных заўваг з нагоды залішняй траты сродкаў на бягучы рамонт аўтадарог. Пра гэта ён заявіў сёння ў час рабочай паездкі ў Мінскую вобласць
«Вы цяпер зноў пачалі ўкладваць асфальт на кальцавой дарозе. Мала таго, што вы заторы там арганізавалі, людзям не праехаць (вы ж не можаце працаваць, калі меншы паток транспарту)…
Даўно час паглядзець, куды мы бюджэтныя грошы ўкладваем, - сказаў кіраўнік дзяржавы. — Я еду па той трасе. Яна яшчэ больш-менш нармальная. Можа, калісьці яе і трэба перакласці. Але ў нас жа ўсё па плане. Запланавана праз сем гадоў яе перакласці, і, якая б яны ні была, усё роўна яе перакладуць».
Аляксандр Лукашэнка падкрэсліў, што праводзіць работы і, адпаведна, траціць на гэта сродкі неабходна зыходзячы з рэальнай сітуацыі, і калі ў рамонце больш мае патрэбу нейкая іншая дарога, то перакінуць сілы менавіта на яе. «А там яшчэ год пацерпіць. Па-гаспадарску трэба да ўсяго падыходзіць. Вы траціце грошы не туды, куды трэба. У нас няма лішніх грошай. Трэба глядзець менавіта туды, дзе сёння мы не можам абысціся», - заявіў ён.
Памятаеце правакатара і даносчыка Яўгена Какойта? Ён цяпер таксама палітвязень12
Каментары