Хакеры выклалі ў адкрыты доступ персанальныя дадзеныя больш за 150 тысяч карыстальнікаў сайта анлайн-знаёмстваў Muslim Match.
У распараджэнні узломшчыкаў таксама аказаліся больш за 700 тысяч асабістых паведамленняў з сайта. У некаторых з іх, сярод іншага, абмяркоўваюцца праблемы шматжонства.
Пасля хакерскай атакі на сайце з'явілася паведамленне пра тое, што яго адміністратары працуюць над аднаўленнем рэсурсу і павышэннем ўзроўню бяспекі.
У адкрытым доступе аказаліся ў тым ліку імёны і электронныя адрасы карыстальнікаў, іх акаўнты ў Skype, сямейнае становішча і рэлігійныя перавагі.
На старонцы сайта ў фэйсбуку адзначаецца, што рэсурс прызначаны для «адзінокіх, разведзеных, аўдавелых мусульман, якія аб'ядноўваюцца для таго, каб абмяняцца ідэямі і знайсці партнёра для шлюбу».
Большая частка карыстальнікаў, чые дадзеныя былі выкрадзеныя, жывуць у ЗША, Брытаніі і Пакістане.
Праца сайта часова прыпыненая. Як чакаецца, ён зноў запрацуе пасля заканчэння святога для мусульман месяца Рамадан.
Безыдэйная і безгустоўная халтура. Канцэпцыю новага гістарычнага музея для Лукашэнкі рыхтавалі ў спешцы2
Каментары