Спорт11

Памёр легенда сусветнага хакея Гордзі Хоў: ён гуляў у НХЛ да 52 гадоў

На 89-м годзе жыцця памёр Гордзі (Гордан) Хоў — адзін з найвялікшых канадскіх хакеістаў, чый рэкорд па колькасці закінутых шайбаў пабіў толькі Уэйн Грэцкі, а рэкорд па працягласці спартыўнай кар'еры ў агляднай будучыні пабіць не зможа ніхто.

Гордзі Хоў пачаў гуляць за прафесійны клюб НХЛ «Дэтройт Рэд Уінгз» у 1946 годзе на пазіцыі крайняга правага форварда.

У першыя ж гады Хоў набыў сабе славу не толькі самога ўдачлівага, але і самога агрэсіўнага гульца: у яго гонар названы «хет-трык Гордзі Хоў» — дасягненне хакеіста, якому ўдаецца за адзін матч забіць гол, аддаць галявую перадачу і зладзіць бойку на пляцоўцы.

За час выступленняў Гордзі Хоў 23 разы уваходзіў у склад зборнай зорак НХЛ, закінуў 801 шайбу, чатыры разы станавіўся ўладальнікам Кубка Стэнлі, удзельнічаў у славутай суперсерыі матчаў зборная Канада — зборная СССР, у 1972 годзе яго імя было ўвекавечана ў Зале хакейнай славы.

Гордзі Хоў — адзіны хакеіст, які выступаў у НХЛ, калі яму было больш за 50 гадоў. Праўда, ў 1971 годзе з-за артрыту ён кінуў хакей, але два гады праз ва ўзросце 45 гадоў вярнуўся на лёд і стаў выступаць за клуб «Х'юстан Аэразоль» у новастворанай Сусветнай хакейнай асацыяцыі. Разам з Гордзі на пляцоўку выходзілі двое яго сыноў - Марці і Марк.

У 1979 годзе Сусветная хакейная асацыяцыя спыніла існаванне і Хоу зноў апынуўся ў НХЛ. Ён сышоў з вялікага хакея, толькі калі яму споўнілася 52 гады.

Яшчэ адзін рэкорд Хоў устанавіў у 1997 годзе, калі ва ўзросце 69 гадоў выйшаў на поле ў складзе клуба Інтэрнацыянальнай хакейнай лігі «Дэтройт Вайперз».

Нумар 9, пад якім гуляў Гордзі Хоў, назаўжды зарэзерваваны за ім у трох канадскіх клубах. За ім таксама навечна застаўся эпітэт — Містэр Хакей.

«Містэр Хакей пакінуў нас мірна, прыгожа і без скаргаў», - паведаміў Асашыэйтэд прэс Марэй Хоў — адзін з чатырох сыноў легендарнага хакеіста.

Каментары1

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

«Востраў чысціні» канчаткова ліквідуецца1

Былую жонку спевака Руслана Мусвідаса таксама судзілі за пратэсты

Палітвязень Дзяніс Івашын прыслаў бацькам парады, як перажыць спёку: Ніякіх выхадаў у цяпліцу

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў11

Ілан Маск заявіў, што згубіў сына з-за блакатараў палавога выспявання24

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →