Ліцэй БДУ — адна з самых прэстыжных сярэдніх навучальных устаноў краіны. 264 чалавекі — менавіта столькі патрапяць у Ліцэй БДУ і будуць размеркаваныя па 12 класах. Папулярнасць ліцэя абумоўленая якасцю навучання, бо менавіта ліцэісты атрымліваюць высокія балы на цэнтралізаваным тэставанні. У 2015 годзе кожны дзявяты абітурыент, які атрымаў 100 балаў на ЦТ, быў выпускніком Ліцэя БДУ.
Сёлета абітурыенту былі прадстаўленыя 8 профілей: некаторыя былі аб'яднаныя, у адрозненне ад мінулага года. Абраўшы профіль, абітурыент павінен быў здаць два пісьмовыя іспыты. Дакументы трэба было падаць да 6 мая, то бок абітурыенты здавалі іспыты яшчэ да атрымання дыплома. Аднак з 1 па 5 мая ў абітурыентаў была магчымасць выпрабаваць свае сілы на пробных экзаменах. З 15 па 28 мая праходзілі іспыты па матэматыцы, біялогіі, гісторыі Беларусі, беларускай і рускай мовы і літаратуры, фізіцы, інфарматыкі, хіміі, сусветнай гісторыі, грамадазнаўстве, англійскай мове. 29 мая быў рэзервовы дзень — для тых, хто ў сілу абставін не змог трапіць на іспыты.
| Профіль | 3а 2016 год (у дужках паўпрахадныя*) | За 2015 год (у дужках паўпрахадныя*) |
| Матэматычны | 119 (117) | |
| Фізічны | 132 (131) | Фізіка-матэматычны - 115 (114) |
| Інфарматыка-матэматычны | 130 (129) | |
| Хіміка-матэматычны | 132 (129) | 124 (123) |
| Хіміка-біялагічны | 131 (-) | 125 (-) |
| Філалагічны (руская-англійская) | 123 (120) | 123 (-) |
| Філалагічны (беларуская) | 125 (-) | 142 (141) |
| Гісторыка-грамадазнаўчы | 114 (113) | Грамадазнаўчы - 116 (115) |
* Паўпрахадны бал — гэта калі на адно месца прэтэндуюць некалькі чалавек з аднолькавымі баламі.
Зараз кожны абітурыент зможа пабачыць на сайце Ліцэя, ці патрапіў ён у спісы рэкамендаваных да залічэння. Калі не, то ў кожнага будзе магчымасць трапіць у іншыя ліцэі, у якіх іспыты здаюцца ў чэрвені.
Каментары