У Шчучыне памёр грамадскі актывіст Васіль Бязмен. Яму было 50 гадоў
Пасля цяжкай і працяглай хваробы ў Шчучыне памёр вядомы грамадска-палітычны актывіст Васіль Бязмен.
Фота з профіля Васіля Бязмена ў фэйсбуку
Ён быў адным з актыўнейшых сябраў легендарнай «Паходні», вучыўся тады ў медыцынскім інстытуце. Скончыўшы вышэйшую навучальную ўстанову ў 1993-м, паехаў працаваць лекарам у раённы цэнтр Шчучын, быў актыўным сябрам Беларускага Народнага Фронту «Адраджэньне».
Васіль Бязмен – нараджэнец мясцовасці Багудзенка на Наваградчыне. Ягоны бацька Канстанцін Бязмен быў актыўным удзельнікам беларускага антысавецкага падполля яшчэ ў 1940-ыя гады.
Васілю Бязмену было толькі 50 гадоў. Пахаванне паводле папярэдніх звестак адбудзецца 15 сакавіка ў Шчучыне.
Каментары