Апублікавана абавязацельства аб супрацоўніцтве са спецслужбамі, падпісанае Лехам Валэнсам ФОТАФАКТ
Матэрыялы польскага Інстытута нацыянальнай памяці, якія тычацца Валэнсы, сталі даступныя ў чытальнай зале архіва. 22 лютага сюды пусцілі групу навукоўцаў і журналістаў, зацікаўленых справай.
Для азнаямлення даступная тэчка з дакументамі, якія тычацца сакрэтнага супрацоўніка пад псеўданімам «Болек» і былі падпісаныя экс-прэзідэнтам Польшчы Лехам Валэнсам.
Матэрыялы, даступныя ў архіве Інстытута нацыянальнай памяці, ўтрымліваюць дакумент, датаваны 21 снежня 1970 года. Гэта абавязацельства аб супрацоўніцтве, падпісанае Лехам Валэнсам.
«Абавязацельства,
Я, ніжэйпадпісаны Валэнса Лех, сын Баляслава і Феліксы, народжаны ў 1943 годзе ў Папове, павет Ліпна, абавязваюся захоўваць у таямніцы ўтрыманне размоў, праведзеных са мной работнікамі службаў бяспекі.
Адначасова абавязваюся супрацоўнічаць са службай бяспекі пры раскрыцці і барацьбе з ворагамі ПНР.
Інфармацыю абавязуюся перадаваць у пісьмовым выглядзе, яна будзе грунтавацца на праўдзе. Факт супрацоўніцтва са службай бяспекі абавязуюся трымаць у сакрэце і не раскрываць яго нават перад сям'ёй.
Інфармацыю буду перадаваць пад псеўданімам «Болек».
Лех Валэнса
Болек».
Калі верыць дакументам, знойдзеным у доме памерлага міністра ўнутраных спраў Польшчы Кішчака, Валэнса супрацоўнічаў з польскімі спецслужбамі да 1976 года. Лідарам апазіцыі ён стаў праз 4 гады пасля таго, у 1980-м. Тым не менш, правыя сілы ў Польшчы лічаць, што колішняя супраца са спецслужбамі ўплывала на паводзіны Валэнсы ўжо ў якасці прэзідэнта на пачатку 1990-х. У Польшчы, у прыватнасці, не была праведзена жорсткая люстрацыя, а кіраўнікі старога рэжыму не панеслі пакарання.
Здаюць у арэнду катэдж загінулага хакеіста Цыплакова ў Драздах. Вось інтэр'еры ФОТЫ18
Каментары