Грамадства22

«Белнафтахім» ініцыюе праверкі якасці аўтамабільнага паліва на АЗС

Канцэрн «Белнафтахім» ініцыюе праверкі якасці аўтамабільнага паліва на АЗС арганізацый, якія не ўваходзяць у склад «Белнафтахіма». Пра гэта паведаміла прэс-сакратар канцэрна Марына Касцючэнка. «Значнае зніжэнне тэмпературы паветра пацягнула за сабой шматлікія звароты ў канцэрн аўтамабілістаў, якія выкарыстоўвалі дызельнае паліва, набытае на АЗС, якія не ўваходзяць у сістэму канцэрна. Грамадзяне просяць арганізаваць праверку якасці набытага на іншых АЗС дызельнага паліва, перш за ўсё яго найніжэйшай тэмпературы фільтравання, бо ўжо пры тэмпературы 15-17 градусаў са знакам мінус паліва пачынае «парафінавацца» і рабіцца непрыдатным да выкарыстання.

Пытанні грамадзян выклікае таксама поўнае закрыццё некаторых АЗС замежных кампаній пры ўзмацненні марозу», - распавяла Марына Касцючэнка. Прэс-сакратар канцэрна звярнула ўвагу, што згодна з заканадаўствам падобныя праверкі праводзяць Камітэт дзяржкантролю, Дзяржстандарт, пракуратура і шэраг іншых ведамстваў. Канцэрн «Белнафтахім» у гэты пералік не ўваходзіць. «Наша арганізацыя цалкам кантралюе якасць толькі таго маторнага паліва, якое вырабляюць беларускія НПЗ і рэалізуюць аўтазаправачныя станцыі «Беларуснафта», - патлумачыла яна. Канцэрн «Белнафтахім» у зімовыя маразы рэкамендуе аўтамабілістам перад запраўкай аўтамабіля знаёміцца на АЗС з пашпартам якасці рэалізаванага паліва і гарантуе адпаведнасць беларускага дызельнага паліва і бензіну, які рэалізуецца на запраўках «Беларуснафта», усім заяўленым параметрам якасці. Прычым зімовае дызельнае паліва вытворчасці ААТ «Нафтан» і Мазырскага НПЗ ДТ-З-К5 гатунак F, якое па нарматыве павінна мець найніжэйшую тэмпературу фільтравання не вышэй за 20 градусаў са знакам мінус, мае «запас трываласці» да мінус 25 градусаў. Пры ўзмацненні маразоў да мінус 20 градусаў і ніжэй рэкамендуецца выкарыстоўваць дызельнае паліва з узмоцненымі нізкатэмпературнымі характарыстыкамі (ДТ-З-К5 клас 2, «Арктыка»). Дадзены від паліва беларускай вытворчасці фільтруецца пры тэмпературы да мінус 32 градусаў. Па словах Марыны Касцючэнка, у сувязі з частымі зваротамі грамадзян «Белнафтахім» зноў звернецца ў Дзяржстандарт з прапановай арганізаваць праверку якасці паліва на АЗС арганізацый, якія не ўваходзяць у склад «Белнафтахіма».

Каментары2

Вось чаму ў Кітаі могуць прыслухоўвацца да Польшчы6

Вось чаму ў Кітаі могуць прыслухоўвацца да Польшчы

Усе навіны →
Усе навіны

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве7

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём4

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

Прэс-сакратар польскага МЗС пра адносіны з Беларуссю: Чакаем першага рэальнага кроку з беларускага боку8

У мінскім парку Чалюскінцаў забаранілі ездзіць на шэрынгавых электрасамакатах

Чарга з аўтобусаў перад пераходам «Каменны Лог» рассмакталася2

Стала вядома, куды ўладкаваўся былы гендырэктар МТС Уладзіслаў Андрэйчанка6

больш чытаных навін
больш лайканых навін

Вось чаму ў Кітаі могуць прыслухоўвацца да Польшчы6

Вось чаму ў Кітаі могуць прыслухоўвацца да Польшчы

Галоўнае
Усе навіны →