NASA абрала наступную пасля Плутона мэту «Новых Гарызонтаў»
Новай мэты «Новыя Гарызонты» дасягнуць 1 студзеня 2019 года.
Пасля даследавання Плутона NASA амаль дакладна скіруе апарат New Horizons да аб’екта 2014 MU69 ў поясе Койпера. Спецыялісты агенцтва парэкамендавалі аб’ект камандзе апарата, але тая зацвердзіць яго канчаткова толькі пасля дадатковай экспертызы.
2014 MU69 — невялікі астэроід дыяметрам каля 45 км, гэта класічны аб’ект пояса Койпера, адзіны аб’ект, які «Новыя Гарызонты» дакладна змогуць дасягнуць. Ад Плутона да яго мільярд міль.
А ад нас да «Новых Гарызонтаў» на сёння 3 млрд міль.
Да адкрыцця 2014 MU69 у кастрычніку 2014 года з «пасляплутонаўскай» мэтай былі праблемы: іншага кандыдата, 2014 PN70 можна было дасягнуць з імавернасцю 97%, спатрэбілася б выдаткаваць на змену хуткасці ўдвая больш паліва. Да астатніх кандыдатаў шанцы даляцець былі яшчэ меншыя. Меншы расход паліва дасць магчымасць правесці больш даследаванняў і застрахавацца ад непрадбачаных сітуацый.
New Horizons быў запушчаны ў 2006 годзе, дасягнуў Плутона ў 2015-м. Дзякуючы місіі сабрана 50 Гб інфармацыі, якая будзе перадавацца на Зямлю да 2017 года і дазволіць выявіць, ці мае Плутон падлёдны акіян. Апарат паказаў чалавецтву, што Плутон мае сэрцайка, рассечанае скаламі.
У студзені 2019 года New Horizons мае дасягнуць сваёй наступнай мэты, патраціўшы прыблізна траціну наяўнага паліва. Магчыма, далей апарат скіруюць на новыя аб’екты. Завяршэнне місіі запланаванае на 2026 год.
КДБ выпадкова выдаў двух супрацоўнікаў, адказных за стварэнне спіса «тэрарыстаў»21
Каментары