27 ліпеня, калі, дарэчы, была прынятая Дэкларацыя аб дзяржаўным суверэнітэце Беларусі з бел-чырвона-белым сцягам і «Пагоняй», краму symbal.by наведаў участковы міліцыянт. Ён цікавіўся як раз бел-чырвона-белым сцягам.
«Мужчына быў у цывільным, сказаў, што мясцовы ўчастковы. Ён паведаміў, што ў Маладзечна на футбольным стадыёне затрымалі хлопца з бчб-сцягам, які ў тлумачэннях распавёў, што набыў яго на symbal.by, — кажа Павел Белавус, уладальнік крамы. — У задачу ўчастковага ўваходзіла правесці праверку: хто прадаў забароненую сімволіку. Аб тым, што яна «забароненая», было напісана ў яго паперах. Я яму даў тлумачэнне, што сцягі мы прадаем афіцыйна, яны пашытыя ў Беларусі, па накладных, і прадаюцца праз інтэрнэт-краму, якая ўнесеная ў гандлёвы рэестр Беларусі. Пазіцыянуем сцяг як гістарычную сімволіку са статусам — дзяржаўны сцяг РБ з 1991 па 1995 год. І што ніякіх дакументаў, якія яго забараняюць ці прыраўноўваюць да забароненага – няма».
Участковы склаў тлумачэнне і сышоў. Але Белавус вырашыў не пакідаць гэтае пытанне без адказу.
«У нас ёсць ідэя скласці запыты ў МУС, Акадэмію навук, мінюст, каб яны афіцыйна патлумачылі сваё стаўленне да бчб-сцяга. Забаронены ён усё ж ці не? Бо на перадвыбарчых пікетах, мітынгах, якія дазваляе ўлада, сцягі нікому не перашкаджаюць, але часам усплываюць выпадкі, калі ў асобнага чалавека сцяг могуць чамусьці канфіскаваць. Трэба ўжо вызначыцца – калі забараняеце, дык прымайце адпаведны закон. Калі не – дык не трэба чапляцца да сцяга, які многія людзі лічаць сваёй нацыянальнай каштоўнасцю», — мяркуе Павел.
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію7
Каментары