«Ісламская дзяржава» апублікавала здымкі, на якіх баевікі разбураюць старажытныя статуі. ІД сцвярджае, што гэта артэфакты са старажытнага горада Пальміра ў Сірыі.
На здымках відаць, як шэсць статуй разбіваюць кувалдамі ў прысутнасці натоўпу.
Ісламісты заявілі, што статуі былі канфіскаваныя ў нейкага кантрабандыста, якога пакаралі бізунамі.
Фотаздымкі суправаджаліся цытатай прарока Мухамеда: «Не пакідайце ні адной статуі неразбуранай і ніводнага магільнага пагорка, не зраўняўшы яго з зямлёй».
Тым часам на поўначы Сірыі атрады ісламістаў пачалі масіраваны наступ і маюць намер канчаткова адбіць горад Алепа ва ўрадавых сіл.
Кіраўнік сірыйскага ведамства па ахове помнікаў Маамун Абдулкарым распавёў, што на мінулым тыдні групоўка «Ісламская дзяржава» знішчыла статую льва з Пальміры, узрост якой складаў дзве тысячы гадоў.
Абдулкарым назваў разбурэнне трохметровай статуі, вядомай як леў Аль-Лат, найбольш цяжкім злачынствам супраць гістарычнай спадчыны Пальміры.
Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні6
Каментары