Свет1616

Паводка ў Сочы: затопленыя вакзал і аэрапорт, жыхароў эвакуіруюць

З-за моцных дажджоў у Сочы і суседнім Адлеры пачалася моцная паводка. У горадзе ўведзены рэжым надзвычайнай сітуацыі.

Чыгуначны вакзал і аэрапорт залітыя вадой, іх праца прыпыненая. Тысячы пасажыраў не могуць пакінуць горад, бо Расавіяцыя афіцыйна закрыла аэрапорт Сочы на прылёт і вылет самалётаў з-за падтаплення лётнага поля.

Як паведамляе прэс-служба Краснадарскага краю, улады Сочы пачалі эвакуацыю жыхароў з затопленых раёнаў.

«Рака Херота выйшла з берагоў, чыгуначны вакзал затоплены, цягнікі спынілі рух, да Адлера не ходзяць, затапіла аэрапорт, пад метр стаяла вада. Каля 2000 пасажыраў цяпер знаходзяцца ў аэрапорце», — цытуе прэс-служба мэра Сочы Анатоля Пахомава.

Некаторыя жыхары горада звязваюць паводку з парушэннямі ў ходзе будаўніцтва алімпійскіх аб'ектаў пры падрыхтоўцы да зімовай Алімпіяды 2014 года.

«На нашай вуліцы гэта асабліва распаўсюджаная з'ява, — кажа мясцовая жыхарка Ірына Серанко, вымятаючы паток вады венікам у канаву. — Таму што пры будаўніцтве алімпійскіх аб'ектаў парушылі натуральны вадасцёк, у людзей ліўневыя канавы запаўняюцца, водаадвода няма».

Акрамя таго, жыхары паведамляюць пра перабоі ў водазабеспячэнні. Праца помпавай станцыі пад Сочы, якая праводзіць ваду ў бліжэйшыя пасёлкі, таксама спыненая з-за паводкі.

Моцны дождж у Сочы і суседніх горах пачаўся ў ноч на чацвер і ішоў увесь дзень з невялікімі перапынкамі. Паводле дадзеных МНС, раніцай за гадзіну выпала каля 100 мм ападкаў пры месячнай норме 130 мм. Узровень вады ў рэках Хоста, Кудэпста і Херота падняўся да небяспечных узроўняў. Да 13 гадзін па мясцовым часе ў горадзе выпала ўжо 179 мм ападкаў.

Ліўневая каналізацыя адразу ў некалькіх раёнах горада не спраўляецца з нагрузкай. Жыхары горада і турысты посцяць у сацсеткі сотні фатаграфій затопленых вуліц, двароў і дарог.

Найбольш цяжкая сітуацыя ў Адлерскім раёне: там на тэрыторыі саўгаса «Расія» аказаліся падтопленымі каля 400 дамоў.

У бліжэйшыя некалькі гадзін сіноптыкі прагназуюць утварэнне ў Чорным моры смерчаў з магчымым выхадам на сушу.

Улады прыступілі да эвакуацыі турыстаў і мясцовых жыхароў. Паведамляецца, што людзі будуць размешчаныя ў санаторыі «Кудэпста» і ў Імерэцінскай нізіне. Мэр Сочы Анатоль Пахомаў запэўніў, што ўсіх пацярпелых забяспечваюць харчаваннем і вадой.

Паводоле дадзеных МНС, да ліквідацыі наступстваў паводкі ўжо прыцягнута больш за 470 чалавек і больш за 100 адзінак тэхнікі.

Каментары16

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Усе навіны →
Усе навіны

«Генерал-шпіц Умка пад кодавым іменем Беленькі». Найлепшыя твіты тыдня9

У Мінску на дзяўчыну, якая вярталася з пляжу, упала дрэва. Яна загінула3

Чэшка Барбара Крэйчыкава перамагла на Уімблдоне-2024

Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»28

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

больш чытаных навін
больш лайканых навін

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Галоўнае
Усе навіны →