Эканоміка66

Кубачак чарніц за 40 тысяч: што па чым на Камароўцы + апетытныя фоты

Лета — час, калі беларусы без вялікіх стратаў для ўласнага бюджэту могуць ад'есціся садавінай і гароднінай. Канец чэрвеня і ліпень — традыцыйна «ягадны сезон». «Наша Ніва» завітала на Камароўскі рынак, каб даведацца цэны на чарэшні, клубніцы і чарніцы. 

Аматары беларускага «чорнага золата» могуць радавацца: на прылаўках з'явіліся чарніцы. Трэба сказаць, што каб набыць ягады, можна нават не ісці на рынак. Чарніцы прапануюць ужо на выхадзе са станцыі метро «Плошча Якуба Коласа». Паўлітровы кубак чарніц будзе каштаваць 40 тысячаў, маленькі 200-мілілітровы — 20 тысяч. 

На шчасце, на самой Камароўцы чарніцы значна таннейшыя. Самыя дарагія чарніцы прадаюць за 60 тысячаў за кілаграм.

Аднак можна знайсці ягады і за 45 тысячаў за кілаграм. Паўлітровы кубачак — 20—25 тысячаў. 

Самыя танныя чарніцы — 40 тысячаў за кілаграм. Аднак гэтыя ягады не перабраныя, у іх сустракаецца лісце і сцяблінкі. 

Што тычацца чарэшняў, кілаграм самай непрэзентабельнай ягады можна купіць за 28 тысячаў рублёў. Але сярэдняя цана кілаграма добрых малдаўскіх ці узбекскіх чарэшняў — 30—35 тысячаў рублёў. 

Аднак можна сустрэць чарэшні і па 50 тысячаў, і па 70 тысячаў рублёў за кілаграм. 

Самыя дарагія чарэшні, знойдзеныя на Камароўскім рынку, каштавалі 80 тысяч. Відаць, кожную ягаду адбіралі паштучна паводле колеру і памеру. Аднак прадавачка адмовілася лічыць свае чарэшні найдаражэйшымі і расказала, што хтосьці прадае ягады па 170 тысячаў. 

Самыя танныя клубніцы каштуюць 15 тысячаў. Выглядаюць яны не найлепшым чынам, але разыходзяцца добра — людзі бяруць на варэнне. 

За буйныя і свежыя клубніцы давядзецца аддаць каля 30—40 тысячаў рублёў. 

Можна купіць і ягады не горшыя за тыя, што ядуць гледачы Уімблдонскага турніру, але каштаваць яны будуць у два разы болей. 

На рынку пачынае з'яўляцца і традыцыйная летная садавіна: абрыкосы, персікі, нектарыны. Абрыкосы на Камароўцы каштуюць 35—50 тысячаў рублёў, персікі 45—55 тысячаў, нектарыны 45—65 тысячаў рублёў. 

Каментары6

Што вядома пра грамадзяніна Германіі Рыка Крыгера, якому ў Беларусі прысудзілі расстрэл13

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Не рабіце гэтую памылку ў захоўванні хлеба4

Назіраецца маштабны збой электронікі па ўсім свеце. Аэрапорты адмяняюць палёты12

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

Хутка суд над мужчынам з «тэрарыстычнага спісу». Верагодна, справа тычыцца каментароў, але яму пагражае да 12 гадоў

Ігар Случак напісаў рэзкі каментар пра рускамоўных беларусаў. Не вытрымаў нават Пазняк101

Трамп афіцыйна прыняў намінацыю кандыдата ў прэзідэнты ад Рэспубліканскай партыі

Айцішніка з A1 будуць судзіць за данаты. Яму пагражае да 10 гадоў калоніі

Еўропа павінна быць гатовая да дзесяці гадоў вайны ва Украіне — генеральны сакратар НАТА2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл13

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →