Грэцыя прэзентавала новыя прапановы для крэдытораў падчас пазачарговага саміту кіраўнікоў дзяржаў і ўрадаў краін ЕС, аднак канчатковага рашэння пакуль дасягнуць не ўдалося і краіне ўсё яшчэ пагражае дэфолт.
Пра гэта паведамляе Reuters.
Кіраўнікі еўразоны назвалі прапановы Грэцыі асновай для магчымай дамовы, якая дазволіць разблакаваць фінансавую дапамогу і прадухіліць дэфолт.
Старшыня Еўрапейскай рады Дональд Туск назваў грэчаскія прапановы «пазітыўным крокам наперад». Паводле яго слоў, міністры фінансаў Еўрагрупы маюць зацвердзіць пакет рэформаў для Грэцыі ў сераду ўвечары і даслаць яго лідарам краін для канчатковага зацвярджэння ў чацвер раніцай.
Тым не менш, неабходна спачатку ўзгадніць праграму рэформаў з прадстаўнікамі еўрапейскіх урадаў, Еўрапейскага цэнтральнага банка і Міжнароднага валютнага фонду.
«Я перакананы, што мы прыйдзем да канчатковага пагаднення на працягу гэтага тыдня», — сказаў прэзідэнт Еўракамісіі Жан-Клод Юнкер пасля саміту.
Канцлерка Нямеччыны Ангела Меркель — Германія пазычыла для ўратавання Грэцыі найбольш грошай — была асцярожнаю. «Я не магу даць ніякіх гарантый, што гэта адбудзецца. Там яшчэ шмат чаго трэба зрабіць», — сказала яна.
Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні6
Каментары