Мінулы год выдаўся вельмі цяжкім для беларускай дыпламатыі, заявіў міністр замежных спраў Беларусі, адкрываючы сёння пасяджэнне штогадовай калегіі МЗС.
«Беспрэцэдэнтнае абвастрэнне сітуацыі ў нашым рэгіёне ў сувязі з украінскім крызісам, жорсткае супрацьстаянне вядучых сусветных гульцоў, санкцыйныя войны паміж Расіяй і Захадам аказалі сур'ёзны негатыўны ўплыў на развіццё сусветнага гандлю, узмацнілі крызісныя з'явы ў эканоміках сумежных з намі дзяржаў і, як вынік, выклікалі рэзкае звужэнне традыцыйных для Беларусі рынкаў збыту», — канстатаваў Макей.
У той жа час, падкрэсліў ён, узважаныя знешнепалітычныя падыходы Беларусі «ў значнай меры стварылі новую сітуацыю, садзейнічалі больш пільнай увазе да нашай краіны і яе кіраўніцтва, пераацэнцы месца і ролі Беларусі ў глабальных і рэгіянальных працэсах».
«Сфарміраваны ў гэтай сувязі спрыяльны інфармацыйны і знешнепалітычны фон адкрывае новае «акно магчымасцей», якое трэба максімальна эфектыўна выкарыстаць найперш для нарошчвання гандлёва-эканамічнага супрацоўніцтва», — заявіў міністр.
Паводле яго слоў, падвядзенне вынікаў працы МЗС за мінулы год не з'яўляецца «традыцыйна руцінным мерапрыемствам». «Мы разглядаем такія сустрэчы як сур'ёзную падставу для аналізу дзейнасці сістэмы органаў дыпламатычнай службы, шчырай размовы аб дасягнутых выніках, пастаноўкі канкрэтных задач на перспектыву», — сказаў Макей.
Глыбокі аналіз знешнепалітычнай дзейнасці цяпер вядзецца «амаль што ў рэжыме нон-стоп на ўзроўні кіраўніка дзяржавы і ўрада», падкрэсліў кіраўнік МЗС. «Менавіта распрацоўка дакладнага алгарытму далейшых узгодненых дзеянняў дазволіць нам рухацца наперад не навобмацак, а з разуменнем таго, што адбываецца, і з веданнем справы», — ён.
Макей паведаміў, што ў ходзе калегіі плануецца заслухаць некаторых беларускіх паслоў, у тым ліку тых, хто працуе ў Расіі, Аўстрыі і Украіне. Праца калегіі завершыцца выступленнем прэм'ер-міністра Андрэя Кабякова, які «паставіць задачы на перспектыву».
Як склалася жыццё вундэркінда з Жодзіна, які ў 12 гадоў паступіў у медыцынскі ўніверсітэт?5
Каментары