У Расіі на паэта Аляксандра Быўшава завялі дзве крымінальныя справы па падазрэнні ў экстрэмізме з-за яго вершаў у падтрымку тэрытарыяльнай цэласнасці Украіны.
Пра гэта Корреспондент.net паведаміў сам аўтар твораў.
У прыватнасці, у вершах ёсць такія радкі: «Мы – солдаты Степана Бандеры, что фашисты нам, что москали», «На всі підступності москальської банди, ответьте по-бандеровски, друзья: «Хай захлинуться кров'ю окупанти!»
Справы разглядаюць у родным пасёлку паэта Кромнах (Арлоўская вобласць), і на днях расследаванне працягнулі яшчэ на месяц. Быўшава падазраюць у экстрэмізме, у прыватнасці, у негатыўных выказваннях аб групе асоб па сацыяльнай і нацыянальнай прыкмеце, закліках да проціпраўных дзеянняў і распальвання міжнацыянальнай варожасці. Акрамя таго, пасля ўзбуджэння спраў паэта звольнілі з працы ў сельскай школе, дзе ён выкладаў нямецкую мову.
«Усяго Украіне і падзеям вакол яе я прысвяціў каля дзясятка вершаў, — распавёў паэт. — Справа ў тым, што ўва мне цячэ у тым ліку і ўкраінская кроў — мая мама (народжаная Кірыенка) нарадзілася пад Шчорсам Чарнігаўскай вобласці. Акрамя таго, я прывык заўсёды паступаць па сумленні, як мяне выхавалі бацькі, і не паддавацца масавай істэрыі, жыць сваім розумам».
Першую крымінальная справу завялі на паэта ў маі за верш «Украінскім патрыётам», які спачатку быў апублікаваны ў сетцы «Вконтакте», а пазней з'явіўся ва ўкраінскіх СМІ. А ў ліпені пракуратура адкрыла справу за тэкст «Украінскім паўстанцам».
Пры гэтым, паводле слоў падазраванага, маскоўская Гільдыя лінгвістаў па дакументацыйных і інфармацыйных спрэчках «Глэдзіс» не знайшла ў тэксце «Украінскіх патрыётаў» ніякіх прыкмет экстрэмізму. Але гэтыя вынікі мясцовая пракуратура не прызнала і прызначыла паўторную экспертызу. Пасля яе, 3 кастрычніка, верш прызналі экстрэмісцкім, а даследаванне экспертаў з «Глэдзіс» — неаб'ектыўным.
«Суд прыслухаўся не да думкі маскоўскіх спецыялістаў, сярод якіх было двое дактараў навук і адзін акадэмік, а да дзвюх маладых супрацоўніц ЭКЦ МУС Расіі, якія не маюць ніякіх вучоных званняў і навуковых прац», — распавёў Быўшаў. Ён дадаў, што адна з супрацоўніц займаецца падобнымі экспертызамі толькі з 2013 года.
У ходзе працэсу дом Быўшава абшукалі, а сам паэт пастаянна атрымлівае пагрозы ў сацсетках і па электроннай пошце.
Ён мае намер падаваць апеляцыі ў абласны і Вярхоўны суды, а калі гэта нічога не дасць, будзе звяртацца ў Еўрапейскі суд. Паводле новага закону аб экстрэмізме аўтару вершаў пагражае да чатырох гадоў турмы або астранамічны штраф. Быўшаў адзначыў, што палітычны складнік працэсу над ім відавочны.
Як цяпер выглядае палітзняволены Юрась Зянковіч. Ён не ў робе, а ў цывільным касцюме9
Каментары