Меркаванні44

Куды прыедзе Рома?

Кніга Ромы Свечнікава ''Рома едзе'' (выдавецтва ''Логвінаў») напісаная дваццацігадовым беларусам, які выправіўся ў бестэрміновую кругасветку.

Маршрут Ромы пралёг праз Грузію, Арменію, Іран, Азербайджан, Расію, Манголію, Кітай, Лаос Тайланд… Аўтар назірае жыццё ў гэтых краінах, піша зацемкі, робіць відэа, фатаграфіі, аўдыёўключэнні з тых мясцін, дзе вандруе, і дасылае іх у інтэрнэт-часопіс 34mag.net.

Рэдактар кніжкі ў прадмове зазначае, што трэба ўзяць прыклад з Ромы і наважыцца на такое падарожжа, каб зазірнуць углыб уласнага люстэрка. Бо гэта кніга — унікальны бясплатны навучальны курс па дызайне жыцця. Рома змяніў жыццёвую парадыгму, каб знайсці свой ШЛЯХ, стаць мастаком свайго жыццёвага палатна, знайсці сябе ў гэтым складаным свеце…

Кніга багата ілюстравана, але на фота няма аўтарскага самалюбавання: Рома на трэцім плане. Здымкі маюць сваё жыццё і могуць нават скласці фотавыставу. З аднаго боку, яны дапамагаюць зразумець тэкст, з другога — успрымаюцца самастойна. Як кніга ў кнізе.

Кніга Свечнікава невялікая па памерах, ''кішэннага'' фармату. Яе лёгка можна ўзяць у падарожжа.

У кнізе амаль адсутнічае апісанне прыгажосці прыроды, няма парадаў турыстам і паказу найцікавейшых мясцін, якія варта наведаць. Гэтае вандраванне мае штосьці агульнае з бамжаваннем.

Рому даводзілася спаць на вуліцы, даядаць у ''Макдональдсе'' за іншымі, ''тырыць'' у крамах, мерзнуць пад снегам, тлумачыцца з паліцыяй, чуць непрыстойныя прапановы з боку мужчын, прасіць міласціну на квіток — і ўнутры смяяцца. Смяяцца з таго, як усё ўладкавана. Бо Рома ведае: сіла ў праўдзе, а яшчэ — у веры, рашучасці і маладосці!..

Раней дарога вабіла воляй. А цяпер персаніфікавалася ў дзяўчыну Волю Палевікову, з якой аўтар вандраваў па дарогах Паднябеснай на матацыкле Honda. Чытач толькі можа здагадацца, як маладыя людзі пакахалі адно аднаго, бо Рома пра пачуцці нічога не піша… Хоць наш герой напачатку радаваўся самоце, усё ж вырашыў з ёю развітацца. Абсалютная свабода стала яму не патрэбнай. Бо гэта ідэал для вар'ятаў і слабакоў. Да такой высновы прыходзіць Рома ў сваіх разважаннях і далей плануе вандраваць разам з Воляй. Яны ляцяць з Куала-Лумпура( Малайзія ) у Лос-Анджэлес. Замест звыклага ''я'', Рома выкарыстоўвае займеннік усіх закаханых - ''мы''… На гэтым заканчваецца першая кніга.

Не ведаю, як вы, а мне б хацелася атрымаць яе працяг. І вельмі хачу ўпэўніцца, што Рома стала прыйшоў у беларускую літаратуру. На аднаго канкурэнта ў барацьбе за прэмію ''Дэбют - 2014'' стала болей.

Каментары4

Расійскі шахед выбухнуў за 55 км ад Бабруйска3

Расійскі шахед выбухнуў за 55 км ад Бабруйска

Усе навіны →
Усе навіны

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

Што адбываецца з кліматам? Такая спёка летам будзе заўсёды?6

Беларуса затрымалі пасля адпачынку ў Італіі3

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі мае ўвесці Літва

Ад заўтра абмежаванні на ўезд аўто з беларускімі нумарамі мае ўвесці Літва

Галоўнае
Усе навіны →