Два месяцы таму Пуцін называў магчымасць уводу войскаў ва Украіну «лухтой і глупствам» ВІДЭА
19 снежня, на прэс-канферэнцыі ў Маскве Пуціну задалі пытанне ці дапускае ён ўвод расейскіх войскаў ва Украіну, у прыватнасці ў Крым для абароны сваіх суайчыннікаў, як гэта было зроблена ў Паўднёвай Асеціі і Абхазіі ў 2008 годзе.
«Мы будзем змагацца за роўнасць правоў (расійскіх суайчыннікаў) — гэта тычыцца ўсіх дзяржаў. Гэта зусім не значыць, што мы будзем махаць шашкай і ўводзіць войскі. Гэта поўнае глупства, поўная лухта. Нічога падобнага няма і быць не можа», — падкрэсліў Пуцін.
Ён падкрэсліў, што параўноўваць сітуацыю ў Паўднёвай Асеціі і Абхазіі з сітуацыяй у Крыме некарэктна.
Раней дэпутат гарсавета Севастопаля Сяргей Смальянінаў заклікалі Пуціна увесці расійскія войскі ва Украіну.
Цікава, што яшчэ 14 снежня Усеўкраінскае аб'яднанне «Свабода» заяўляла, што прарасійскія сілы ў Крыме рыхтуюць спецаперацыю, якая пагражае тэрытарыяльнай цэласнасці і нацыянальнай бяспецы Украіны.
Па звестках «Свабоды», адначасова з правядзеннем крымскага «антыМайдану», улічваючы адсутнасць на паўвостраве асноўных сіл украінскіх праваахоўных падраздзяленняў, унутраных войскаў, перакінутых у Кіеў на здушэнне Майдану, прадугледжваецца правядзенне ў перыяд ад 23 да 27 снежня 2013 г. так званых «антытэрарыстычных вучэнняў» асабістым складам з прыцягненнем марской пяхоты Чарнаморскага флоту Расійскай Федэрацыі, дыслакаванай у Севастопалі.
«Падчас названых «антытэрарыстычных вучэнняў» расейскія марскія пяхотнікі нібыта для забеспячэння абароны аб'ектаў ЧФ РФ у Севастопалі возьмуць пад кантроль горад і заблакуюць ўкраінскія дзяржаўныя органы і месца размяшчэння ВМС Украіны», — заяўлялі ў «Свабодзе».
-
Артыкул пра халаднік у амерыканскім СМІ перасварыў літоўцаў і палякаў. У дыскусію ўключыліся і беларусы
-
«Я казала, што гэта сабака». Памятаеце пра барана, якога абмяркоўвае ўся Польшча? Яго гісторыю расказала гаспадыня
-
У Расіі пажаніліся праваслаўны бізнэсовец і дзіцячая амбудсменка. Ён спонсар «Рускай вясны», на яе выдалі міжнародны ордар
Пасля прыёму ў міністра Кубракова арыштавалі жанчыну, якая шмат гадоў змагаецца з «педафільскім лобі»6
Каментары