Улада5050

Лукашэнка: Перыяд дыктатуры сканчаецца, у наступным годзе пераходзім да дэмакратыі

«Перыяд дыктатуры заканчваецца, з наступнага года пераходзім да дэмакратыі», — сказаў сёння Аляксандр Лукашэнка на сустрэчы са старшынёй Цэнтральнай камісіі па выбарах і правядзенні рэспубліканскіх рэферэндумаў Лідзіяй Ярмошынай.

Гэтае ягонае выказванне паказаў тэлеканал «Беларусь-1».

Як было адзначана, у бліжэйшыя гады ў Беларусі павінны прайсці тры буйныя выбарчыя кампаніі: у 2014-м — выбары ў мясцовыя Саветы дэпутатаў [23 сакавіка — НН], у 2015-м — прэзідэнцкія выбары, у 2016 годзе — парламенцкія.

«Мы павінны цалкам сур'ёзна падысці да гэтага этапу развіцця нашай дзяржавы. Рэч у тым, што сітуацыя няпростая і нашы альтэрнатыўныя палітыкі, назавем іх так, не будзем крыўдзіць іх заступнікаў за мяжой, вельмі разлічваюць вось на гэты прамежак, — адзначыў Лукашэнка.

— Яны плануюць, што выбары ў мясцовыя саветы — гэта будзе нейкі пачатак, развіццё, а апагею так званая дэмакратыя дасягне ў прэзідэнцкія выбары і скончыцца гэта парламенцкімі выбарамі».

«Страціць тры гады для развіцця краіны ў гэты перыяд будзе катастрафічна. Таму выбары будуць вельмі сур'ёзнымі. Мы сур'ёзна павінны да гэтага перыяду рыхтавацца.

І хацелася б, каб гэтыя выбары сталі дэманстрацыяй сапраўднай дэмакратыі.

Тут мы павінны ў рукі народу аддаць усё для таго, каб народ сам вызначыўся, хто будзе кіраваць ім і дзяржавай, як будзе развівацца краіна і ў якім кірунку. Гэта маё жалезнае меркаванне», — падкрэсліў ён.

«Калі там хтосьці разважае, што мы ўжо пачалі падрыхтоўку да прэзідэнцкіх выбараў, то, шчыра кажучы, я наогул не ў курсе гэтай справы.

Хацелася б, каб вы мне расказалі, як развіваюцца падзеі на гэтым выбарчым «рынку», калі можна так сказаць. Але ўсё павінна быць сумленна і справядліва. Я толькі на гэта разлічваю», — сказаў Лукашэнка.

Лукашэнка таксама адзначыў, што цяперашні кіраўнік Цэнтрвыбаркама, як і раней, будзе займацца арганізацыяй і правядзеннем маючых адбыцца палітычных кампаній. «Вы за іх, як звычайна, адказваеце. Каго трэба вы прыцягвайце для арганізацыі і правядзення гэтых выбараў, але чалавек і орган, які адказвае за выбары, за іх правядзенне і за абвяшчэнне вынікаў, павінен быць адзін».

У плане фінансавання выбараў Лукашэнка папярэдзіў, што «лішніх грошай няма», але праца тых, хто будзе прыцягвацца на гэты перыяд, павінна быць дастойна аплочана.

«Людзей, якія будуць занятыя выбарамі, мы павінны падтрымаць, заплаціць ім за гэтую працу. Але пажадана, каб мы ненадоўга адцягвалі людзей ад асноўнай працы. Асноўную нагрузку перанясем на дзяржаўныя органы, каб яны працавалі за кошт тых сродкаў, якія яны расходуюць з бюджэту на сваю дзейнасць. А людзям, якія будуць прыцягнуты на выбары, мы, вядома, павінны заплаціць дастойна. Хочам якасці — трэба плаціць. Але лішніх грошай няма», — адзначыў ён

Каментары50

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →