Эканоміка

Мінэканомікі: Рост заробкаў апярэдзіў прадукцыйнасць працы на 17,3%

У Беларусі рост зарплат апярэдзіў прадукцыйнасць працы на 17,3 працэнтнага пункта ў студзені—жніўні гэтага года. Такія даныя прыводзяцца ў аглядзе, падрыхтаваным Міністэрствам эканомікі.

Прадстаўнікі міністэрства канстатуюць, што сёлета «на высокім узроўні захоўваецца рост даходаў насельніцтва». «Намінальная налічаная сярэднямесячная заработная плата ў цэлым па рэспубліцы склала ў жніўні 2013 года 5 млн. 547,1 тыс. рублёў (на 1,7% больш, чым у ліпені). У доларавым выражэнні заработная плата ў жніўні дасягнула сваіх максімальных значэнняў з пачатку 2010 года — 621 долар ЗША», — гаворыцца ў аглядзе Міністэрства эканомікі.

У рэальным выражэнні, канстатуюць спецыялісты міністэрства, заработная плата ўзрасла на 19,5% да студзеня—жніўня 2012 года. Пры гэтым у будаўніцтве зарплата ўзрасла на 35,6%; у гандлі — на 23,5%; у сельскай гаспадарцы, паляванні і лясной гаспадарцы — на 25,0%; на транспарце і ў сувязі — на 22,2%; у прамысловасці — на 18,3%.

«Па-ранейшаму захоўваецца значны разрыў у тэмпах росту прадукцыйнасці працы і рэальнай заработнай платы — 17,3 працэнтнага пункта ў студзені—жніўні 2013 года», — звяртаюць увагу прадстаўнікі Мінэканомікі.

Варта зазначыць, што на наступны год беларускія ўлады зноў паставілі задачу апераджальнага росту зарплат над прадукцыйнасцю працы, якая не была выкананая сёлета.

Згодна з праектам указа прэзідэнта, які падрыхтаваў урад, рэальныя (з улікам інфляцыі) даходы насельніцтва ўзрастуць на 6% у 2014 годзе. Разам з тым рост прадукцыйнасці працы ў наступным годзе павінен скласці 9,4%.

Як паведамлялася раней, рост зарплат сёлета ў значнай ступені абумовіў рост затрат прамысловых прадпрыемстваў Беларусі. Згодна з данымі Белстата, за першую палову гэтага года затраты беларускіх прадпрыемстваў на вытворчасць прадукцыі (работ, паслуг) павялічыліся на 15,4% у параўнанні з аналагічным леташнім перыядам.

Пры гэтым, як зазначае статкамітэт, у першым паўгоддзі 2013 года ў параўнанні са студзенем—чэрвенем 2012 года адбылося змяншэнне долі матэрыяльных затрат пры павелічэнні ўдзельнай вагі затрат на аплату працы ў агульным аб'ёме расходаў прадпрыемстваў на вытворчасць прадукцыі.

Так, доля матэрыяльных затрат знізілася з 71,9% у першым паўгоддзі 2012 года да 65,5% за аналагічны перыяд гэтага года. Разам з тым удзельная вага затрат прадпрыемстваў на аплату працы павялічылася з 13,1% у першым паўгоддзі 2012-га да 16,9% у студзені—чэрвені 2013 года.

Каментары

Чаму ў Мазыры амаль двое сутак не маглі аднавіць электразабеспячэнне? І пры чым тут вайна7

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Усе навіны →
Усе навіны

Беларуса затрымалі пасля адпачынку ў Італіі3

«Выйшлі хлопчыкі з чамаданчыкамі». Лідар гурта РСП расказаў, як Лукашэнка прыязджаў на здымачную пляцоўку5

Рэспубліканская партыя афіцыйна вылучыла Трампа кандыдатам у прэзідэнты ЗША9

У Кабардзіна-Балкарыі беларус сарваўся са скалы2

Трамп назваў свайго кандыдата ў віцэ-прэзідэнты22

Некаторыя беларусы сустракалі ўчарашні ўраган, купаючыся ў возеры ВІДЭА

Змітра Дашкевіча будуць судзіць па новай крымінальнай справе ўжо на гэтым тыдні7

Латушка: Я магу баяцца піць ваду ці каву ў грамадскіх месцах14

Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА28

больш чытаных навін
больш лайканых навін

Чаму ў Мазыры амаль двое сутак не маглі аднавіць электразабеспячэнне? І пры чым тут вайна7

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Галоўнае
Усе навіны →